Asociacións

Plexus Tech está adscrita ás seguintes asociacións:

• Cluster de Saúde de Galicia: plataforma profesional de cooperación público-privada, que actúa como catalizador da competitividade das industrias da saúde e a asistencia social, contribuíndo de forma decisiva ao desenvolvemento económico e social da rexión de Galicia. Un dos obxectivos clave é a internacionalización da innovación dos sectores sanitario e social. CSG fundárona 15 entidades en 2011 e actualmente conta con máis de 100 membros de toda a xeografía galega. 
• Cluster TIC Galicia: asociación sen ánimo de lucro que traballa para poñer en valor o macrosector TIC galego impulsando a colaboración entre as empresas, aproveitando a capacidade tractora das máis grandes e a axilidade e capacidade de innovación das de menor tamaño. 
• TICBiomed: cluster tecnolóxico de saúde, con sede en Murcia, que reúne 66 socios, incluíndo hospitais, clínicas, grandes empresas, universidades, PEME e startups, para promover a cultura da innovación e procesos de transformación dixital no ámbito da saúde. 
• Asociación Área Empresarial do Tambre: asociación empresarial que aglutina os intereses xerais e particulares dos propietarios de parcelas do Polígono do Tambre. 
• SEIS: somos entidade asociada da Sociedade Española de Informática da Saúde, unha sociedade científica sen ánimo de lucro que ten a misión de promover a investigación, desenvolvemento e innovación, implantación e bo uso das TIC no ámbito da saúde en beneficio da sociedade e con pleno respecto polos dereitos das persoas, concretamente pola súa intimidade e privacidade. 
• HL7 Spain: iniciativa que busca facilitar o intercambio electrónico de información clínica estandarizada. Esta emprega unha notación formal da linguaxe unificada de modelado (UML) e unha metalinguaxe extensible de marcado con etiquetas (XML).