O teu proxecto.
O teu talento.
O teu futuro.
O teu TFG
podería ser só
o comezo.
Plexus Tech e a Escola de Enxeñaría da USC puxeron en marcha o Premio ExcelencIA para recoñecer o mellor Traballo de Fin de Grao do programa de estudos en Intelixencia Artificial. O noso obxectivo é fomentar o desenvolvemento do alumnado, visibilizar traballos académicos de alta calidade e promover a excelencia entre quen dá os seus primeiros pasos nun dos eidos máis prometedores da actualidade.
- Requisitos: Estudantes do Grao en Intelixencia Artificial da USC que defendesen con éxito o seu Traballo de Fin de Grao (TFG) durante o curso académico 2025-2026, en calquera das convocatorias.
- Premio: 1.500 €.
- Prazo: 30 de novembro de 2026.
- Como participar: Cubrir o formulario desta páxina e achegar a documentación especificada nas bases.
