A nosa filosofía
FLEXOLOGY,
Persoas. Talento. Ideas. Innovación
SOMOS
A ALMA
DA TECNOLOXÍA
E
FACEMOS
TECNOLOXÍA
CON ALMA
As vantaxes de ser Plexus.
Flexology é que o talento flúa desde calquera lugar
Somos unha compañía híbrida, adaptable e flexible. Apostamos por un modelo baseado en poñer as persoas, a nosa xente, que son o piar da nosa compañía, no centro. Impórtanos o seu talento, as súas aptitudes e sobre todo o seu benestar. Por iso, para que as persoas poidan fluír profesional e persoalmente, adaptámonos á nova conxuntura e demanda. Un modelo baseado na confianza.
Deste xeito, os e as profesionais de Plexus Tech desenvolven o seu traballo e o seu talento desde onde mellor funcionan, podendo elixir se desde casa, desde calquera das nosas 24 oficinas, combinando o mellor de ambas as dúas opcións.
Flexology é non deixar de aprender nunca, nun sector en constante evolución
Desde Plexus Tech investimos moito esforzo e recursos en potenciar a calidade da formación que reciben os nosos equipos poñendo á súa disposición cursos, ferramentas de alto nivel como Linkedin Learning ou a plataforma de aprendizaxe de idiomas Go Fluent, así como a posibilidade de certificarse da man dos principais partner do mercado.
Flexology é conciliación e beneficios sociais
En Plexus Tech poñemos ao servizo das persoas que poñen todo o seu potencial e talento ao servizo da tecnoloxía con alma un paquete de medidas de retribución flexible para sacar o máximo partido ao seu tempo e salario en forma de tíckets restaurante, tíckets transporte ou tíckets gardaría.
Flexology é rodearse de persoas que inspiran
Inspírannos o talento e a aptitude, pero sobre todo a actitude das persoas que dan o mellor de si. Por iso inspíranos a nosa xente e as súas particularidades, que nos nutren e nos fan mellores como grupo. Presumimos de ser unha compañía con moitos profesionais de referencia no sector, pero comprácenos aínda máis ser conscientes da calidade humana que impera na compañía, o que favorece o traballo en equipo e o crecemento de todos e todas.
Flexology é poñer o talento ao servizo dos demais
Cremos no coñecemento compartido como un imprescindible para mellorar profesionalmente. Tanto o que ensina como o que aprende. A través das nosas sesións Plex Tech, a familia Plexus Tech pon o seu talento ao servizo dos demais.
Flexology é facer equipo
Os nosos Plexus Ambassadors actúan de altofalante e rede para o resto da familia Plexus Tech, botándolles unha man aos membros da familia Plexus que o necesiten.
Flexology é levantar a voz
En Plexus Tech temos un punto contra a Violencia contra a Muller. A violencia non pode ser unha cifra, nin recordala un único día.
A violencia contra a muller é unha eiva que se estende por toda clase social e adopta distintas formas: física, psicolóxica e tamén dixital. É a educación a que nos permitirá erradicala e evitar que o #25N sexa un día tinguido de lazos morados en recordo das miles de vítimas, mulleres e nen@s que viviron e seguen vivindo esta terrible situación.
Flexology é compromiso e solidariedade
Cada ano xogamos á sorte coa Lotaría de Nadal da Fundación Theodora, porque con cada participación de Plexus Tech axudámoslles aos Doutores Sorriso a seguir visitando os pequenos "im-pacientes" en case 50 hospitais de toda España. Así, sempre toca.
Flexology é seguir crecendo xuntos
Celebramos cada bebé da familia Plexus Tech que chega ao mundo cun kit de nacemento chulísimo. Somos e estamos certificados como unha Baby Friendly Company porque a conciliación forma parte da nosa filosofía e queremos que a maternidade e paternidade sexan unha oportunidade e unha ferramenta para a igualdade.
Flexology é diversidade
Somos unha compañía diversa onde cada persoa poda expresar libremente a súa orientación sexual ou identidade de xénero. Apoiamos e sumámonos ás iniciativas que poñen en valor a visibilidade, a igualdade e os dereitos de todas as persoas.
